ԵՄՊՔ ուսանողների այցը Գյումրի
October 14, 2019 at 9:54 am,
No comments
«Ռեժիսուրա» 1-ին կուրսի բոլոր ուսանողները ծնողների ու դասախոսներ Ս․ Վանյանի, Ա․ Սեյրանյանի և Գ․Մուրադյանի հետ ուղևորվեցին արվեստի և արհեստի մայրաքաղաք Գյումրի:
Մշակութային Գյումրին հյուրընկալ էր ու հարազատ, ամեն անկյունից հորդում էր պատմության ու արվեստի բույրը: Նույն կուրսի ուսանող և բնիկ գյումրեցի Գինոսյան Լյովան ամենայն մանրամասներով ներկայացրեց հայրենի քաղաքը շինություն առ շինություն, քար առ քար:
Մ․ Մկրտչյանի թանգարանում ապագա ռեժիսորները ծանոթացան նաև մեծ դերասանի անուրախ կյանքին ու փառահեղ ուղուն: «Ռեժիսուրայի» դասախոս Ա․ Սեյրանյանը հետաքրքիր մանրամասներ պատմեց արվեստագետի խաղացանկի ու դերերի մասին:
Հումորային քաղաքի, արվեստաշունչ աշխարհի բացառիկ համն ու հոտը հոգում անթեղած՝ ռեժիսորները երգ ու պարով վերադարձան Երևան:
